Daniel Innerarity filosofia politikoko katedraduna, “Ikerbasque” ikertzailea Euskal Herriko Unibertsitatean, Gobernantza Demokratikoaren Institutuko zuzendaria eta Florentziako Europako Institutuan irakaslea dena #Zarautz-en izango dugu datorren asteartean, otsailaren 18an.

Hitzaldiaren testuingurua

Demokraziaren mehatxu nagusia ez da indarkeria, ezta ustelkeria edo eraginkortasun eza ere, sinpletasuna baizik.

Demokraziaren teoriaren ikuspuntutik, hitzaldi honek sinpletasun sozial eta politikozko garai batean sortutako kontzeptu politikoen eguneraketa dakar.

Defizit teoriko hau bat dator gure demokraziak sinplifikatzen eta pobretzen dituen praktika politikoarekin.

Gure sistema politikoak ez dira gero eta konplexuagoa den mundu berri hau kudeatzeko gai izaten ari, eta sinplifikazio lasaigarria eskaintzen dutenen aurrean ezinean ageri zaizkigu.

Gaur egun konplexutasun handiko inguruneetan jarduten duen politikak ez du oraindik bere teoria demokratikoa aurkitu. Politikak jada ez die XIX. edo XX. mendeko arazoei aurre egin behar, XXI. mendekoei baizik. Demokrazia “polis”etik estatu nazionalera igaro bada, hau da demokrazia zuzenetik ordezkaritzara, ez dago arrazoirik erronka berriei aurre egiteko ezintasunaz pentsatzeko, baldin eta oinarri politiko egokia ematen bazaio.

Erantzun sinpleetan sinesten ez dutenei baina arazoen konplexutasunaren aurrean etsi nahi ez dutenei zuzentzen zaie hitzaldi hau.

XXI. menderako demokraziaren eta gobernuaren teoria bat formulatzen da, gure demokrazien berrikuntzarik oparoena horiek konplexuagoak egitearen emaitza izan dadin.

Daniel Innerarity, filosofia politikoko katedraduna

Daniel Innerarity-ri buruz

Daniel Innerarity filosofia politikoko katedraduna, “Ikerbasque” ikertzailea Euskal Herriko Unibertsitatean, Gobernantza Demokratikoaren Institutuko zuzendaria eta Florentziako Europako Institutuan irakaslea da. Irakasle gonbidatua izan da Europako eta Amerikako hainbat unibertsitatetan, hala nola Sorbonako Unibertsitatean, London School of Economicsen edo Georgetowneko Unibertsitatean.

El País, El Correo/Diario Vasco eta La Vanguardia egunkarietan ohiko iritzi kolaboratzailea da.

Besteak beste, Euskadi saria, Espainiako saiakera saria, Eusko Ikaskuntzako Humanitate, Arte, Kultura eta Gizarte Zientzien saria eta Kulturaren Vianako Printzea saria eskuratu ditu.

Le Nouvel Observateur aldizkari frantsesak munduko 25 pentsalari handienen zerrendan sartu zuen.

Teoría de la democracia y del gobierno para el siglo XXI. liburua (2020an argitaratua)

Argitaratutako azken liburuak

Bere azken liburuak honako hauek dira: La política en tiempos de indignación (2015), La democracia en Europa (2017), Política para perplejos (2018), Comprender la democracia (2018) eta Una teoría de la democracia complejo (2020).