Itzultzaile Neuronala: Itzulpen automatikoa ametsak egi bihurtzen

Ikerketa proiektu gisa hasi zen zerbait, produktu bihurtu da. IVAP, EJIE eta Vicomtech-en elkarlana izan da Eusko Jaurlaritzak aurrera atera nahi izan duen itzulpen zerbitzu hau. Doakoa da eta asko ari da erabiltzen gaur egun, 40.000 itzulpen eguneko.

Xabier García de Kortazar · Vicomtech

Itzultzaile neuronala saiatzen da gure pentsakerak simulatzen. Sare neuronal artifizialetan oinarritua dago. Teknologia maila jakin batera iritsi den arte, ezin izan da hau dena garatu. GoogleTranslate, esaterako, teknologia honetan oinarritzen da baita ere.

Hau hasiera besterik ez dela aurreikusten du Xabier García de Kortazar-ek. Plugginak garatu daitezke Microsoft Office, Gmail, WordPress-en bertan erabili ahal izateko, zuzentzaileak garatu, ahotsa eta argazkiak integratu, besteak beste. Sistema hauek datu askorekin ikasten dute. Hau kontuan hartuta Xabierrek https://www.euskadi.eus/itzultzailea/ zerbitzua erabiltzera animatzen gaitu. Izan ere, webgune horretan bertan ikusten ditugun akatsak zuzentzen badira, aldaketa horiek gorde egiten dira eta hurrengo itzulpen-lanetan kontuan hartzen direla adierazi zuen Xabierrek.

Leer Más

ZARAUTZEN ZIENTZIAZ BLAI 2019

ASMOAK SARETZEN, SORMENA LANTZEN

Zarauzko 4 ikastexeak elkar-lanean. DBHko 4. mailako 60 ikasle, goiz bateko ariketa berritzaile baten aurrean: 6 lantalde, 10 partaideekin
Zarauzko 3 enpresek proposatutako, 3 erronkekin: Pukas, Larraioz, Aner Informatikak, hain zuzen ere.

Bi mundu konektatzen: enpresak eta nerabeak: Enpresa eta ikastetxeak elkar ezagutzea sustatu du ekitaldi honek

Sormena lantzeko metodologia aproposa, Global Futurizer herramintaz baliatuz, Tazebaez-en eskutik: ideiak barra-barra bota (braimstorming) –> ideiak aukeratu –> proposamenak landu, prototipo itxuran –> ideiak aurkeztu.

Ekimenak, enpresak gaur egun topatzen dituzten benetazko erronkei irtenbidea aurkitzea du helburu. Sormena lantzeko jardunaldiak izandako fruituen auzkezpena datorren asteartean, Urriaren 29an izango da, arratsaldeko 19etan Modelo Aretoan.

Era berean, Oteiza Lizeo Politeknikoak aurten ere, urtean zehar landu duten teknologia tramankulu berria azalduko digute

Leer Más

#ZZB 2019

ZARAUTZEN ZIENTZIAZ BLAI 2019: ASMOAK SARETZEN, SORMENA LANTZEN

 “Zarautzen Zientziaz Blai 2019: asmoak saretzen, sormena lantzen” «ZarautzOnek sustatutako ekimena da. Global Futurizer proiektuan oinarritua dago, eta proiektu hori, aldi berean, berrikuntzen inguruko aholkularia den TAZEBAEZ kooperatibak garatutako ekimena da. Kooperatiba hori 2013an sortu zuten 9 ekintzailek, Mondragon Unibertsitateak emandako lidergo ekintzailea eta berrikuntza graduaren lehen sustapenaren ondorioz.

ZarautzOnen duela 5 urte hasi ginen jarduerak egiten, eta, Zientziaren Astearen barruan, dibulgazio zientifiko eta teknologikoko ekimen gisa asmatu genuen Zarautzen Zientziaz Blai,  gazte zarauztarren arteko harremana eta hurbilketa sustatze aldera, dagoeneko zientzialari eta ikerlari diren gazteen eta DBHko eta batxilergoko ikasleen artekoa, beren ibilbide akademikoa eta orientazio profesionala erabakitzen ari diren garaia delako. Zientzia eta teknologia ezagutzera ematea helburua, bereziki hiriburuetan edo unibertsitate-egoitzak dituzten udalerrietan garatzen den hori Zarautzera ekarri nahi izan genuen.

Ekitaldi hau antolatzen 5 urte eman ondoren, pentsatu genuen formatuak gehiago eman zezakeela, berritzeko unea zela, ikasle gazte gehiago erakartzeko eta Zarauzko ikastetxeak modu aktiboagoan inplikatzeko.

Zerbait ezagutzen genuen TAZEBAEZ ekimenaren inguruan, eta haiekin harremanetan jarri ginen, gure errealitatera egokitzeko zeuden aukerak ikusteko.

Global Futurizerrek harremanetan jartzen ditu enpresak eta ikasleak, normalean unibertsitatekoak, baina baita batxilergokoak ere, unibertsitateek eta enpresek mundu osoan lan egiteko duten modua eraldatzeko eta elkarrekin erlazionatzeko. Horretarako, enpresek hainbat erronka planteatzen dituzte, eta gazteek erronka horiei erantzun behar diete, euren sormena eta teknologia eskura jarrita, eta, horrela, lankidetza-formatuan ideiak sortzen dira, askotan enpresei ere burutatuko ez litzaizkiekeenak.

Harremanetan jarri ondoren ikusi genuen moldatzeko aukera geneukala GF formatua gure misiora, hau da,” Herritarren garapena sustatzen duten pertsonen topagunea izatea, zientzia-, teknologia-, enpresa- eta gizarte-berrikuntzaren ezagutza sustatuz” eta ZarautzOn bezala mobilizatu nahi ditugun helburuetara egokitzen zela. Ondorioz, Zarautzen Zientziaz Blai saio berri bat antolatu dugu 2019an, ondorengo izenarekin: asmoak saretzen (gure elkartearen oinarrizko ideia)  sormena lantzen.

Proiektuak eskatzen zuen ahalegina handia zen, dinamizatzea, antolatzea eta materiala biltzea gehiegi zelako gure aurrekontuari begiratuta. Horregatik, Urola Kostako Mankomunitatera jotzea pentsatu genuen, finantziazio-aukerak ikusteko.

Zergatik Mankomunitatea? Pentsatzen dugulako tokiko enpresak eta ikastetxeak batzen dituen proiektu batek bere horretan balio bat duela, eta lurraldeko eragileen harremanetarako esparru berri bat dela. Hain zuzen ere, hortxe kokatzen dugu ZarautzOn, berrikuntza sozial eta tokiko garapen gisa ulertzen dugunaren parametroen barruan, eta hori erakundeari dagokion zerbait da. Eta hala ulertu zuen Mankomunitateak, udan proiektua aurkeztu eta aztertu ondoren bere onespena eman baitzigun, eta, ondorioz, aurrera eramateko behar genuen laguntza ekonomikoa ere bai.

Laguntza hori oso garrantzitsua izan da guretzat, eta pozik egoteko arrazoia ere bai; beraz, espero dugu prozesu eta esperientzia gisa pozgarria izatea Mankomunitatearentzat berarentzat ere.

Zer egingo da zehazki?

Zarauzko hiru enpresa ditugu: Aner, sistema informatikoak, enpresei zerbitzu integrala emateko software-garatzaileak; Larraioz Elektronika, automatizazio industrialean, robotikan eta mekatronikan espezializatua; eta Pukas, denon artean ezagunena, surf taulen eta bainu-jantzien fabrikatzailea. Horietako bakoitzak erronka bat jarriko die Zarauzko 4 ikastetxeetatik datozen DBHko 4. mailako ikasleei: Antoniano, Ikastola, La Salle eta Lizardi. Guztira 60 mutil eta neska, ikastetxe bakoitzeko 15, TAZEBAEZek dinamizatuko ditu Global Futurizar metodologian eta dinamikan oinarrituta, eta goiz batean (5 ordu), urriak 18, lan egingo dute Urola Kostako Mankomunitatearen egoitzan erronka horiei erantzuteko, 10 laguneko lan-taldeetan antolatuta: 2 talde enpresa-erronka bakoitzeko.

Saioa 2 fase nagusitan banatzen da: ideiaren fasea eta prototipoarena. Erronka bakoitzak 10 laguneko 2 talde izango ditu TAZEBAEZ taldeak lagunduta. Lehenik eta behin, ideia-zaparrada bat egingo dute talde bakoitzeko pertsona guztiek (brainstorming): fase dibergentea (mundu guztiak iritzia eman dezake eta guztiak dira baliagarriak nahiz eta desberdinak izan), eta, ondoren, ideia gutxi batzuk hautatuko dituzte, erronka aurrera emateko. Erabaki den bide edo proposamen horrek prototipo-fase bat du, eta, bertan, erronkaren konponbidea «eraikiko» da. Horretarako, askotariko materiala dago: plastilina, marrazteko koloretako arkatzak, haria, kartoia …

Jarraitu beharreko jardueren eskema eta jarduera bakoitza egiteko eskainiko zaion denbora, 9:00etatik 13:00etara, ondorengoa izango da:

Enpresei porposamenaren aurkezpena eginez amaituko da bilkura.

Leer Más